禮拜三（13日）谷草賽事用B跑道，天文台預測又會有雨及雷暴，或有機會再次在變化地上作賽。
最近5月16日同一移欄賽事雖然都有唔少居中後上馬勝出，不過放頭入直路之馬匹亦合共取得兩勝四位之驕人成績，如「自由旺」及「皇仁先鋒」均一放到底贏馬，況且今季谷草雨中作賽頗利前置馬，故此若然臨場有雨更加要秤先具前速之馬匹。
今戰列陣馬中，第二場「盈豐駿駒」五次角逐谷草B跑道獲一勝三位一殿，淋地亦曾上名，用黃俊減十磅擺前走可帶來威脅。
另外，尾場「超好玩」上仗正是於5月16日谷B欄賽事放頭跑第二，等番同一移欄再跑，加上本身曾在變化地勝出，有機會贏馬補中。