黃智賢投資七位數字開設「LA PURO醫學皮膚中心」，昨日在中環店舉行開幕儀式，獲圈中好友捧場。活動中，重現不少經典組合，例如劇集《陀槍師姐》中的歐陽震華、關詠荷、滕麗名，以及兒童節目主持譚玉瑛姐姐、陳松伶及麥長青等。歐陽震華自爆：「我以前都面試過兒童組，仲同周星馳一齊，後來被foul咗。」Bobby透露當年和周星馳拍《北斗雙雄》，一同面試430穿梭機，他說：「我好想入呢組，點知唔想入嗰個周星馳就揀咗，我就冇揀到，好想入兒童組因為梁朝偉、周星馳個個入咗去都好紅。」
另外，Bobby和關詠荷均表示希望開《陀槍》系列續集，兩人表示文武戲均可親身上陣，關詠荷提議可加入太空超能力元素，Bobby笑言：「你話得咪得囉，《陀槍師姐》你係師姐你話事啦。」
採訪：卓寶花
攝影：陳慧安