喺好耐以前，當世界盃只係有16隊嘅時候，出現過26場波入140球，場均5.4球嘅紀錄！九比零、八比三、七比五嘅慘烈戰果，球迷歷歷在目。74同82年亦發生十比一、九比零比分最懸殊嘅紀錄。咁嘅比數，嚟到今時今日就梗係唔會再出現啦！
世界盃近四屆平均入球都係兩球半左右，對上一次世界盃場均入波有三球或以上，已經係70年嘅事。不過每一屆背後都依然有一個盪氣迴腸嘅故事。
2002日韓世盃有德國八比零贏沙地阿拉伯，到06年阿根廷六球大勝塞爾維亞和黑山，2010就有葡萄牙七比零贏咗北韓，當時金正恩都未做領導人。去到上屆，德國喺四強大炒東道主巴西七比一，每屆都有難忘戰役。
今屆一班球星唔放暑假，去到俄羅斯用入波嚟貢獻國家，又睇下入球數字係升定係跌？