衞冕世盃嘅德國，上周五喺出征俄羅斯前嘅最後一場友賽，靠沙地阿拉伯一球烏龍，終於喺主場2:1贏波，結束咗罕見嘅五場不勝走勢。
今仗德國八分鐘就有迪姆華拿開紀錄，球隊今仗雖然有成21次攻門，但就得八次中框。德國入嘅第二球，更只係嚟自43分鐘沙地嘅烏龍，都幾肉酸。到下半場德國都係冇料到，客隊仲喺完場前六分鐘破蛋。德國嘅基迪拉喺禁區內踢跌對手，沙地嘅12碼由艾沙拿維操刀，但就被達史特根撲出，不過艾查森門前補中幫沙地追成1:2完場，德國下場就係17號喺世盃F組首場分組賽對墨西哥，德國家陣係咪扮嘢？到時就知。
呢場波仲有小插曲，德國中場根度簡竟然俾主場球迷噓爆，點解？呢名曼城中場今場喺57分鐘入替馬高列奧斯，但一出場就被噓，之後每次掂波都一樣。原來根度簡五月同土耳其總理埃爾多安見面嗰時，竟然稱對方做「我的總理」，令到德國球迷好不滿，佢係咪唔記得咗自己係德國人先？
Now TV每日只需$6*，
全年睇盡猛片，新劇，世界盃
即刻撳下面登記優惠或致電2888 1888(後按2)申請啦！
https://bit.ly/2JqDJKw
*優惠期有限，受條款及條件約束。
