林夏薇日前駕車回家途中被車攔腰撞，去醫院檢查後發現左手冇力兼麻痹，昨日她在Ig貼出X光片相，留言：「正常頸椎（左）和我的頸椎（右）。」可見兩張圖有明顯對比。骨科醫生翟慶聰表示：「正常應該彎、有啲弧度，好似C字形咁，頸椎直晒多數係因為肌肉緊張，就會緊晒同收縮，會造成一個情況好似佢條頸咁，反而會直咗。」並指要兩、三個星期才會痊癒。
