主持六合彩近三年的37歲舞台劇演員蔡運華，原來為結婚三年的陳彥聰懷有6個月B仔，雖然近日她大肚主持六合彩，但未見太肚凸凸。她前日接受本報電話訪問時表示曾擔心懷孕影響工作，她說：「問番馬會啲同事同導演，佢哋都覺得就算喺六合彩節目見到肚都唔係問題。」同事還笑說今次是真正「六合彩之子」出現呢！
住唐樓辛苦
問主持六合彩期間可有身體不適？蔡運華說：「雖然5分鐘live，但BB好乖冇乜點郁，反而同事將啲波入落攪珠機，我發覺佢好興奮係咁踢，好似搞珠咁，到我正式時就冇郁嚟郁去。」
蔡運華說今次是第一胎，懷孕兩個月時剛巧為港台拍《那些年．那些歌II》拍了兩晚通宵，一度十分辛苦，她說：「另一個辛苦係我住喺唐9樓，之前話胎盤有啲低我都驚，日日要上上落落，有啲擔心，但𠵱家已經好番好多。」她透露預產期是9月，預計主持六合彩到8月中，明年1月才重出江湖。
採訪：魯吉