薛家燕前晚在將軍澳出席活動，後日是她娶新抱的日子，問到目前的籌備情況，家燕姐說：「真係有好多嘢要搞，又要編排座位表，所以試奶奶衫嗰陣都發覺變得鬆身咗，搞到我鬼咁開心。」家燕姐表示要感謝答應出席婚禮的圈中朋友，她說：「好似嗰日出席三個婚禮嘅楊生（楊受成），仲有飲完嗰晚要趕飛機返內地做嘢嘅王祖藍，我預咗嗰晚會忍唔住喊！」