【本報訊】街工勞資糾紛引發退會潮，22名會員昨宣佈退會，炮轟執委梁耀忠三宗罪，包括一意孤行解散勞工組、解僱理由前後不一，以及隱瞞街工財政狀況，直斥梁一人專政，有如無良僱主。
不滿拒交代是否解僱
退會成員包括疑被解散的勞工組兩名成員，其中入職街工已10年的王曉君稱，早於3月已傳出梁耀忠有意解散勞工組，其後獲單方面通知6月起不能再承擔勞工組薪酬，惟未有交代員工去留。她指，「究竟係咪炒人呢，（講法）完全係語言偽術」，談及退會時她更一度哽咽，稱「我係08年愚人節入職，𠵱家（退會）係當同自己開咗一個玩笑」。年資達9年的勞工組成員黎治甫亦指，過去多次向梁耀忠查詢工作和支薪安排，對方卻拒絕正面回應，僅指「月尾打簿咪知囉」，暫未決定會否循法律途徑追究。勞工組3名成員仍如常工作，待街工專責小組跟進。
近四分一會員宣佈退會後，街工現剩50多名會員。退會會員區立行批評，梁耀忠「一人專政」，解散勞工組理由亦前後不一，先聲稱要收回資源準備選舉，後來又改口指街工財赤，更要求簽署保密協議才可傳閱財政報告。執委會前成員朱江瑋亦稱，曾向梁反映意見卻反被對方要求退會，「話呢啲路線、講法唔適合街工」。被問到梁耀忠是否適合再參選立法會，他稱「佢贏同輸同我哋冇關，同工人運動冇關」。
■記者梁銘恩