上車，是不少港人的夢想。千辛萬苦死儲爛儲，成為業主，假如收樓後發現甩甩漏漏，的確非常頭痕！有見及此，蘋果今次再找來資深驗樓師詹濟南「詹Sir」，幫新業主驗收！
「心情有啲緊張，緊張有冇啲我發現唔到嘅問題佢發現到。」盧廣泰（阿泰）為會德豐屯門入伙盤Napa新業主，兩年前買入實用507呎兩房單位。單位售551萬元，三成首期就要約165萬元。「其實儲個首期儲咗兩三年倒啦，真係儲架。」阿泰30多歲，就成功上車，秘密絕非有「父幹」，「我做冷氣出身，入行就真係聽阿媽講，因為讀書唔成，阿媽叫架啫。」
母親的一句，令阿泰今日已成日為工程公司的老闆，「個起動資金講你都唔信，係兩個人，每人一萬蚊，即係兩皮囉。咁嗰時我冇乜嘢輸架，一萬蚊咋嘛。」現時公司年收入有百萬元，而他更可以一圓置業夢。
不過Napa位處掃管笏，位置極偏遠。他表示，自己16年發現樓價回落，認為買樓時機到，於是四出搜尋靚盤，見Napa位置環境開揚，單位亦有達500呎，於是扑鎚入市，「有500呎，好過去買荃灣二、三百呎，嗰啲都係差唔多價錢。」不過，住址偏遠，他亦有以車代步的心理準備。
提到現時香港二、三百呎劏房亦有價有市，他慨嘆，「我接受唔到囉，我自己全500呎，都覺得岩岩好，猛猛緊，即係我想買張梳化，出少少，我都買唔到。」
對於現時單位，阿泰表示滿意，「覺得冇買錯，暫時呢一刻。」不過詹Sir殺入單位驗收，結果到底會令阿泰安樂抑或失望？而同為工程界的阿泰，遇上詹Sir，兩人會否互相過招？
想知結果，周六晚上10時正，要記住收睇【今期樓行】詹Sir驗收啦！
播出時間：6月9日（周六）晚上10時
驗樓師：資深驗樓師詹濟南
主持：蘋果阿雄
播出網址：
蘋果ATM
http://fb.com/appledailyatm
YouTube同步播放