周大福（1929）主席鄭家純舊年初中風後一直休養，噚日趁業績會復出，比份業績驚喜好多喇，不過，幫周大福核數嘅big four會計師樓德勤就陰功豬嘞，忽然冇咗周大福呢個客仔，周大福要換羅兵咸永道做核數師呀。
周大福2011年底上市，一直由德勤核數，不過，周大福噚日解釋，作為良好企業管治措施，公司應於適當期間後考慮輪換核數師，於是不再請德勤，改由羅兵咸做公司核數師。
根據年報，周大福2016及2017年嘅核數費分別為1,087萬同851萬，舊年少畀兩成，都要分手，應該真係為咗公司企業管治啩。睇番資料，同系新世界（017）都係搵羅兵咸做核數師。
李華華