方力申和父母昨晚到中環出席腕錶品牌發佈會，原來為鐘錶設計的女子是方家世姪女，問到有否機會對襯家？小方指對方已結婚，還笑言自己沒有女友，準備搵契女。問到會否叫舊愛鍾欣潼（阿嬌）生個女上契？他大反應：「嘩！咁遙遠，契唔係人哋叫我就會做，都要考慮。」他表示有看報道，知道阿嬌度完蜜月返港了，如阿嬌請飲會否去？他說：「你要問番人哋，我唔答呢個假設性問題。」
此外，新一輯《美女廚房》主持林盛斌、蕭正楠和張振朗被網民負評，又指不及第一輯主持小方、鄭中基和梁漢文賤嘴，對此小方說：「第一集好難判斷，畀機會睇多幾集。我哋做《美女廚房》時，有人質疑我嘅人格好衰格，其實係為咗節目效果先做得衰格啲，節目確實有啲影響，形象深入民心。」
採訪：王連連
攝影：陳慧安