【本報訊】領展旗下朗屏商場早前發生渠蓋被偷引致途人受傷，事後領展以事件由第三方引發且偷渠蓋與跌傷距離時間太短，拒絕賠償。
張小姐3月31日在朗屏商場範圍步行時，雙腳踏空跌進坑渠，雙膝受損，事後其夫到場，並召救護車把她送到博愛醫院，而領展職員亦只叫他們自行報警。丈夫李先生憶述，在他們主動要求下，約1個月後，領展安排他們翻看閉路電視，「睇CCTV，當日下午大約6時50分，有個男人行經事發地點，一手就拎起咗個渠蓋走咗去，之後無耐我太太就成個人叉咗落去」。
指與偷渠蓋相隔時間太短
張小姐事後向領展索償，但收到保險公證行根寧瀚（香港）有限公司信件指，偷渠蓋與跌傷兩事只相隔約20秒，領展未有接獲通知作適當處理，及事件由第三方引起，未能證明領展有不妥及疏忽，領展亦用此理由拒絕賠償。李先生對回應表示失望，認為其推卸責任。
立法會議員兼元朗區議員鄺俊宇指，管理公司有責任保障商場範圍設施安全，「個男人10秒之間就可以拎走咗個坑渠蓋，我諗其他區嘅坑渠蓋都無咁兒嬉，件事睇落係小事，但如果係老人家跌親呢？領展係有責任防範」。
香港高峰進修學院保險訓練顧問劉祥榮估計事主成功申索機會較微，「主要係時間太短，除非係證實到有管理人員即時見到無處理，或者事先見到可疑人物，不過都係要視乎唔同個案嘅實際情況」。領展回覆指，根據公證行調查確認事件不涉管理疏忽。
除渠蓋被偷引致途人受傷，鄺俊宇稱近日接獲投訴，指朗屏商場停車場天花板石屎剝落，恐會出現倒塌風險，他批評領展大幅加租，但管理質素卻未見改善，領展回覆指涉事停車場正在安排復修。
■記者李雨夢