【本報訊】葉繼歡在港持械行劫成為警方頭號通緝犯，港人都以「賊王」相稱，但葉和家人在鄉間竟被譽為「大善人」，這全因「錢作怪」。在港犯下滔天大案期間，原來葉不停在鄉間以各種名義捐款，無論是出生地梅隴鎮孔子門村村民，還是在汕尾市葉家祖屋的鄰居，講起葉家，人人都誇讚：「佢哋係大善人，係慈善家！」但亦有村民慨嘆：「30年來不停咁捐錢，先保得住葉家平安！」
出錢出力建關帝廟
當記者問到葉繼歡做過甚麼善事時，廟祝三哥說：「咪捐錢起關帝廟囉，由2004年至2017年，以葉繼歡家族名義就捐咗12萬（人民幣）。佢幾兄弟經常返來拜關帝，其實佢哋一直都捐錢畀關帝（廟），只係以前冇紀錄。佢啲兄弟仲有以其他名義捐錢，凡係需要捐錢嘅地方，佢哋都唔會托手踭！」三哥更表示：「如果講惡，汕尾十大惡人冇佢份！」
「呢對大石獅係佢細佬（六弟）捐嘅，佢細妹當日攞住22萬人民幣現金嚟」，另一名廟宇管理助理陳女士表示，葉繼歡家族對關帝廟可謂出錢出力。對於葉繼歡在港搶劫金行大案，持有香港身份證的陳則說：「嗰啲嘢我就唔清楚！」
村民口中的葉繼歡家族貢獻良多，有村民稱讚葉家「捐咗好多錢，起學校啦，起祠堂，修橋補路！」葉的出生地孔子門村，村民聽到記者打探葉家情況時，很多人都豎起拇指，大讚他是大善人。據村民透露，現時孔子門村至梅隴的水泥路，葉家亦有份捐錢興建。
■記者林熊