As One前成員陳嘉茵，前晚在銅鑼灣舉行首次個人小型音樂會，又跳又唱14首歌，第一首演繹的歌就是她首支派台歌《大肆慶祝》，林作和范振鋒都有捧場，林作還變身小粉絲帶燈牌到場，他笑言：「好多人叫嘉茵，可以翻用！」
陳嘉茵首次開騷，她說：「為咗呢個騷提前兩個禮拜操練跳舞，唱咁多快歌、跳舞，體能都需要有。」對於年尾音樂頒獎禮，嘉茵表示盡力而為，自己一直都好鍾意唱歌跳舞，希望大家會對佢刮目相看，今年會以快歌為主。
范振鋒到場支持公司旗下的嘉茵，他說：「嘉茵好識諗好易相處，所以公司簽咗佢，跳唱歌手呢幾年都冇乜，佢係純跳唱歌手，近年少見，我哋出年會有個男仔，同埋兩個女仔嘅組合推出。」
採訪：張俊銘
攝影：陳俊強