689天天吼實蘋果日報,原來他是忠實讀者啊,除了逐隻字讀晒社論,漫畫也睇得專注,這個讀者不太懶哩。所以,當發現龍蝦成為漫畫人物,呼籲讀者爆料爆片時,689諗多咗,又試舊病復發,觸動「過去四年」的頑疾,外行都睇得出,他這種急症,叫做蘋果敏感被迫害妄想綜合症。有病,應該睇獸醫嘛,好心佢。
689愛上年輕人已經放棄無feel的fb,猛在fb推文,明顯係老翻特朗普,人fb佢又fb,內容呢,兩邊都係廢夾喪的癲佬發言,認真對待特喪普的,全世界只有一個金仔主席。然而,689始終係下台之人,無得跟特朗普比拼,發癲發炮,都係屬於虛炮。打嘴炮打得太濫,反而不幸露底。689,真係游手好閒,即是大灣區壇大茶飯,十劃冇預你一撇,今日冇,將來都冇。一帶一路呢,黨更加無天降大任於你成立那間空殼公司,只能繼續空下去喔,直至一黨結束專政啊!命裏無時莫強求,689還是着住華服,飲多支青島,行埋馬髮膠,結拜做兄弟啦。兩位先後在機場向安檢挑機因而出糗,被爆料見報。噢,都係本報報道喎,唉喲,該煨。有冇老細俾份兼職689做吓?打算參加九西補選KO高永文嗎?