日本八卦雜誌《週刊女性Prime》周一報道，現任日職鹿島鹿角教練嘅前日本國腳柳澤敦，上月同一個女人（左圖）「前後腳」入咗一間時鐘酒店短聚，佢所屬嘅鹿角隨即宣佈將柳澤敦無限期停職。報道話，柳澤敦上月底跟隨球隊作客仙台維加泰當晚，同另外一男二女共晉晚餐，幾個鐘後，戴住口罩嘅柳澤敦就同其中一個女人前後腳入咗一間時鐘酒店到清晨。現年41歲，已婚並有一仔一女嘅柳澤敦喺記者追問下承認同該女子屬朋友關係，但就否認有任何越軌行為。不過，鹿角周二網發表聲明，指柳澤敦向球會承認工作期間未經許可下，喺酒店同非工作關係嘅人士會面，決定暫停佢嘅職務，直至另行通知為止。