周二朝（5日）沙田馬場早上天氣不穩，晨課期間有幾陣驟雨，不少騎、練在雨中備戰。
當中，告東尼馬房一眾周三（6日）谷中夜賽參戰馬，今早安排往內圈加課踱步，當中有「多項領先」、「勁哥兒」、「萬事醒」、「仗義執言」及「友情人」五匹戰馬，列隊亮相時雨勢最大，惟見練馬師東尼哥冒雨監督，並陪同參戰馬出入，親自跟貼打點，動態極之緊張，睇嚟此路人馬，又有出擊手影。
列陣第八場三班1650米「多項領先」，剛戰在吳嘉晉胯下贏此程，姿態鬆容，擺明目前仍有分在手，今戰加九磅原班再戰勝途，相信阻力不大，復課由嘉晉仔摸到實操練，馬匹亦已適應水土環境，四歲北半球馬重踏升軌，倉主連日來亦跟出跟入，似有打鐵趁熱添食意圖，為徒弟爭取季內第三捷，值得加以參詳。