每年六四燭光集會之後，雖然參加市民離開前都會自行帶走未燒完嘅蠟燭，但總有啲會遺留喺現場，而支聯會今年新設環保組，專負責回收集會的蠟燭、場刊及膠花，但支記始終人手有限，所以請咗環保組織「毋忘垃圾」10名義工幫手。支聯會常委趙恩來話，環保組原本有約有10名義工，但今次六四集會只有5至6名義工嚟到幫忙，過去六四集會後，支聯會都有回收完整的蠟燭，留待下年重用，但今年義工連用剩嘅蠟燭都回收，再捐畀有需要的組織，例如環保團體同教會，亦會設工作坊，將回收蠟燭製成藝術品，而回收嘅廢紙就交由場內清潔工人處理。「毋忘垃圾」發起人馬愷興估計，今年回收了約2,000支蠟燭，回收數目比往年減少，認為回收數目減少同缺乏回收配套、未有及早安排有關。