維園集會外，籌款攤檔處處，包括「長洲覆核王」郭卓堅。郭話因無數官司要打又冇法援，惟有靠巿民捐款支持，「其實呢個係一個無底深潭，政府日日都錯，我打得幾多（官司）就幾多啦！」原來佢曾因六四身陷困境，話89年曾到北京聲援學運，6月8日遭內地政府人員軟禁喺北京，「佢哋成日話要槍斃我，要我交代邊個叫我上嚟，我話唔係，我係中國人，我就要出聲」，最終近一年後喺被軟禁嘅酒店偷走，北上經黑龍江、威海衛，最後喺蘇聯搭飛機返港喎。
不出席集會 學聯維園外照籌款
而今年唔出席晚會學聯，喺維園外圍轄下「抗爭者支援基金」籌款惹抽水爭議，常委張朗軒話，新成立嘅基金欠知名度，相信支持六四集會嘅市民都支持香港民主，所以希望向集會市民介紹基金並支援抗爭者。