當年輕一代望見坦克車前面嘅王維林，以為係唔知邊一套戲嘅劇情，完全唔知道89春夏之交，有件大是大非唔會係OK嘅事發生，查實所有成年人都有責任傳承歷史，有時一張相，勝過千言萬語。
民主黨立法會前議員單仲偕前晚喺fb重貼89年5月28日聲援北京學運嘅相。當年5.28，世界各地包括香港舉行「全球華人大遊行」聲援北京學運，時任葵青區議員嘅單仲偕就喺葵青指揮，當日全港有破紀錄150萬人上街，冒住烈日高叫「民主萬歲」、「自由萬歲」、「打倒鄧李楊」，喺上街人數或人口比率，都係世界城巿之冠。重溫舊照，單仲偕無非溫提大家毋忘歷史維園見。