聽日係「世界環境日」，今年主題係「塑戰速決」，希望全球齊心對抗一次性嘅塑膠污染問題。向來有唔少「膠」作嘅民建聯趁機進行派膠調查，5月下旬喺午市時間派員喺七間本地大型連鎖快餐店買外賣午餐，統計各自含有各式即棄塑膠產品，包括膠袋、膠餐具、膠飯盒等，結果發現大家樂派嘅即棄塑膠餐具最多，其餘依次係大快活、美心、Pacific Coffee同肯德基，最少則係Starbucks。佢哋發現呢七間快餐店喺顧客買外賣時，唔會問顧問有冇需要就主動提供即棄塑膠產品，部份快餐店提供嘅紙製餐具如紙杯同紙碗等都有塑膠成份喎！
民建聯建議如果顧客「走餐具」，快餐店可以提供減價優惠，以鼓勵性措施對顧客、企業同可持續發展達至三贏，負責有關派膠調查嘅陳克勤就呼籲快餐店大家樂同大快活少啲派膠喎。