鄧萃雯、張崇德及林曉峰昨日到青衣出席「擁抱家．快樂爸」活動，張崇德兒子張日希亦有到場支持。張崇德表示兒子日前小學畢業：「自己都感動，見佢讀得好開心，就知自己當日冇揀錯。」問到父親節如何慶祝？他指平日仔女好錫自己，因此不會特別慶祝：「但有年佢哋兩兄妹整咗個心形pizza畀我，真係好冧。」
鄧萃雯因父母離婚，自小未與爸爸生活，直言對自己影響很大。她謂愛情路上，亦希望找到似爸爸及老師的男友：「但爸爸係比較花心嘅，佢兩段婚姻都失敗，所以我到𠵱家都唔結婚。爸爸唔好睇小自己，你想個女第時搵乜男人，你就要做個榜樣先。」至於工作，她透露找到不錯的劇本：「唔使做師奶、太太、媽媽，有愛情線，乜都有啲，對手仲係未合作過嘅。」
採訪、攝影：盧妹