根據英國傳媒報道，巴黎聖日耳門（PSG）中場馬高華拉堤，成為咗曼聯領隊摩連奴今夏嘅頭號目標。《鏡報》指摩佬上年夏天都試過就華拉堤向PSG問價，當時得到嘅回應係要一億鎊（約10.47億港元），估計今次想引入呢名意大利國腳亦需要差唔多嘅轉會費。另外，摩連奴亦都講，佢暫時唔想教國家隊，因為佢需要每星期都有比賽。
