拉素近日就最佳球員進行選舉，結果由今季加盟嘅盧卡斯奪得。照計拉素射手恩莫比尼今季咁出色，各項賽事入成41球，應該點都贏到呢個球迷票選嘅獎項吖。但係利物浦「網軍」湧入拉素嘅twitter投票畀舊將盧卡斯，最後佢有成70%嘅得票率，拋離恩莫比尼嘅14%。而盧卡斯都發表咗佢嘅得獎感言，話好多謝大家嘅支持。