決定今年結婚的苟芸慧（苟姑娘）與陸漢洋，經常出雙入對，十分恩愛。日前下午約2時許，他倆現身金鐘，苟姑娘戴太陽眼鏡和口罩，見他倆逛街時，不時又會拖下手，又會對望甜笑。苟姑娘與陸漢洋逛完商場，準備落停車場取車離開，見陸漢洋與苟姑娘十指緊扣，穿鬆身裙的苟姑娘落梯級時特別小心，透出孕味，陸漢洋又細心為未婚妻開車門。
陸漢洋昨日接受《蘋果》訪問，透露當日是陪苟姑娘去驗眼：「佢呢排工作好忙，長時間帶con，所以眼睛比較攰同乾，可能要轉con牌子，醫生話一切OK， 所以唔使擔心。」問到如此小心拖住苟姑娘是否奉子成婚？陸漢洋否認：「奉子成婚就百分之百冇可能，拖手係正常情侶都會做嘅事情。」而苟姑娘亦以短訊回覆：「幾年之後（生BB），要畀啲時間做準備。」
採訪、攝影：梁繼光、羅德光