寫稿之時，正值今季NBA最終決戰開打，豬隊友JR Smith一個世紀金球讓勇士先贏一仗，成功幫LBJ空斬51分，真係多謝晒。其實記者兩隊都唔鍾意，不過因為KD同Green相對比較乞我憎，唯有含淚撐占。不過點講都好，勇士的Curry就真心係勁嘅，輕輕鬆鬆游刃有餘咁又訩29分，而有留意佢的話，相信亦有發現他早就穿上新的Curry 5上腳，fans當然想即跟。而這對Curry 5在6月1日就突然在香港官網開賣，但暫時只有一款配色選擇。不過fans又毋須心急，因為個人覺得更靚，歷代都好受歡迎的黑金和白金色都會陸續在6月初登陸Under Armour APM分店及灣仔莊士道分店，有心者不妨多多留意。
有留意的Curry fans或者都會知今次Curry 5用了低筒設計，配合全針織鞋面，及採用鎖合繫帶設計，令部份鞋帶潛於材料之內，其實跟上代Curry 4頗相似。後腳位則採用Anafoam物料包裹，保持輕量和貼腳感，中底就繼續用上EVA緩震，整體來說設計頗有型，不過沒有配備新技術就有點失望，不過相信鐵粉們都唔會介意。
記者：韓繼聰