喺上周五土倫盃英格蘭U21對卡塔爾U21嘅比賽入面，出現咗個特別身影，就係新任格拉斯哥流浪主帥謝拉特。神奇隊長身為座上客嘅原因，相信係為格流揀人，呢場波入面有唔少英軍小將表現唔差，例如車路士小將譚美阿巴謙，布力般流浪嘅前鋒阿當岩士唐等，最後小獅亦成功大勝卡塔爾4:0，唔知謝拉特有冇睇中邊個？而同場仲有曼聯名宿舒米高，盛傳會做士砵亭門將教練嘅佢唔知嚟做咩呢？