雷神莫雷拉最近說過自己經常揀錯馬，搞到練馬師們亦有微言，話口未完，今戰(3日)沙田日賽，雷神又有可能揀錯馬，說的是第十場二班1200米草地賽，雷神不騎由自己新勝之「激賞」，而揀另一匹新勝馬「妙算達人」。
「激賞」在港出賽六次，除兩仗於泥地1200米及田草1400米外叠望空輸得較遠外，其餘四仗全入前四名，其中上仗初跑谷草角逐1200米，守貼欄包廂位下打開在港勝門，雖然佔了形勢及慳位之利，不過本身總時間能造出1分08秒56之高速，僅以0.04秒之差，僅次於季內刷新谷草1200米全港紀錄時間，並於後來勝出主席短途獎之「天下為攻」而已。「激賞」跑出谷草1200米史上第二快時間，當然屬高水準賽事。
今仗「激賞」出王牌轉爭曾跑第四之田草1200米，負127磅非太重，抽3檔亦佳，配郭能亦是硬淨好手，勿因莫雷拉不騎而低估。