馬季唞暑前一大焦點，自然是莫雷拉與潘頓為了爭冠軍騎師而鬥得火熱。
莫雷拉早幾日向傳媒指出，有99%的練馬師支持潘頓，大嘆好難搵實力座騎，加上自己即將停賽兩期，可以肯定會在這段時間被潘頓超越，雷神認為現階段衛冕冠軍困難重重。
不過雷神話口未完，剛周三沙田夜馬即掃了兩Win，潘頓亦贏兩場，比數113比111，相距兩場維持不變。
這天(1日)沙田晨課，潘頓接受訪問，再次開腔叫大家不要信雷神，直指雷神講大話。潘頓說：「雷神話自己之前因為不時揀錯馬，所以令練馬師唔喜歡他，又說99%練馬師支持我，唔支持他。但大家請不要相信雷神，大家看看他周日(3日)手馬有幾強，就知道他講大話。雷神分分鐘可以贏幾場，進一步拋離我，萬一此事真的發生，我爭冠軍的難度將會大增。我真心希望自己和雷神都唔好再停賽，大家堂堂正正去比賽較量，全力爭取冠軍寶座，我相信這是香港馬迷樂於見到。」
事實上，雷神今期9匹座騎，多達7匹包括「美麗寶寶」、「妙算達人」等是新勝或上仗跑入三甲之馬，餘下兩駒「馬到成功」、「神威敖翔」剛戰亦分別跑第四及第五名，所負極少，亦質態兼備，難怪潘頓暗指雷神「扮可憐博同情」，純粹只是爭取實力馬的手段。