兒童事務委員會終於出爐，主席又係政務司司長張建宗，政府同時宣佈委任21名非官方委員，另有9名當然委員，任期今日起生效，為期兩年，對象涵蓋18歲以下細路哥，會以14歲或以下兒童嘅事務為工作重點。
睇番21名非官方委員中，包括「親子王國（Baby Kingdom）」創辦人之一兼顧問周偉忠；防止虐待兒童會前總幹事、香港兒童權利委員會主席雷張慎佳、護苗基金總幹事譚紫茵等相關兒童組織要員亦獲邀擔任委員，提供意見。
委員會會喺今個月舉行首次會議。而根據籌備委員會建議，委員會初期工作計劃或涵蓋兒童嘅教育需要，包括協助有特殊學習需要及處理學生缺課嘅問題、少數族裔兒童嘅措施及兒童嘅健康發展等。