小米呢個牌子，有人憎到爆，亦有人覺得抵到爛，點講都好，小米8喺深圳發佈，部機的確有唔少話題，鍾唔鍾意都要睇吓。個樣都唔使多講喇，睇個「額頭」真係同iPhone X分唔到。不過最平售價$3,300起，呢個價買到S845旗艦機真係平絕市面，仲有平價版小米8 SE，售價$2,200起，相信都係會一邊有人鬧，一邊有人買。
小米8採用6.21吋、18.7:9比例、2248×1080解像度的Samsung Amoled全面屏幕。個額頭抄足iPhone X，當然連面部解鎖都跟足，甚至連名都唔改，照用Face ID，比較叻嘅係加咗個屏幕指紋掣。「致敬」iPhone X之餘，似乎亦有「參考」HTC，同場公佈了透明機背「小米8探索版」。探索版除了有型啲，據說亦用了iPhone X相似的3D人面識別技術，人面解鎖會更為準確，另外亦玩到和Animoji幾乎一樣的動畫表情。而非探索版的小米8前置鏡頭模組只有紅外線相機，人面識別會比探索版稍弱。
規格方面老實講幾吸引，用上旗艦級Snapdragon 845 CPU、6GB RAM起跳。相機部份和MIX 2S一樣用上1200萬像素雙感光元件，也有像LG、華為一樣的AI拍照模式，記者會上指在相機評測網站中拿到了105分，僅次於華為P20 Pro。自拍相機也有賣點，用上2000萬像素，在低光環境中會自動將像素四合一增強畫質。小米8運行Android 8.0定製而成的MIUI 10介面。MIUI 10主要加強手勢操作，也強調會用「AI預載」加快手機運行速度。比較特別的是小米8是首部支援L1、L5雙頻GPS的手機，能提供更高的定位精準度。其餘規格方面，包括用上3,400mAh電池和支援QC 4.0+有線充電。
小米8共有黑、白、金、藍四色，分為6GB RAM+64GB、6 GB RAM+128GB和6GB RAM+256GB三個版本，售價分別為2,699人民幣（約$3,300）、2,999人民幣（約$3,670）和3,299人民幣（約$4,040），內地即日起接受預訂。小米8探索版則只有8GB RAM+128GB一個版本，價格是3,699 人民幣（約$4,530），發售日期未定。
小米8 SE則是平價版本，採用5.88吋、2,244×1,080 解像度、18.7:9屏幕。較大分別是Snapdragon 710這顆新的中階處理器。相機方面則用上1,200+500萬像素主相機，前置鏡頭則維持於2,000 萬像素，4GB RAM+64GB內存版本售1,799人民幣（約$2,205）。另外有6GB RAM+64GB版本，售價為1,999人民幣（約$2,250）。
記者：司徒港燊、布偉倫
攝影：布偉倫