喺網上見到「內地人」、「大陸人」呢啲詞語，大家通常都合埋眼鬧咗先算，不過最近有條片，有班聲稱係「內地童」嘅小朋友，喺個東鐵車廂度玩到癲晒，但今次一反常態，雖然有人繼續鬧，但就有人好欣賞班細路喺車廂入面嘅玩法，仲因此諗番自己細個時的那些年㖭。
條片只有短短15秒，片中一班着住相同校服，喺個車廂入面玩象鼻轉，而一班乘客就闊佬懶理，不過整條片嘅焦點落嚟鏡頭遠方一個細路，佢手揸扶手快速自轉，雖然咁樣玩法唔啱，但係一班網民就反而好欣賞，仲話諗番起細個果陣成日都好想夠高玩個扶手，仲會周圍擒嚟擒去。有網民話喎，「其實呢……我細個分分鐘仲癲過佢哋囉」、另有網民指「後面個個快到好似爆旋陀螺咁」，但當然有網民唔like，留言「係咪成班燒壞腦？」