日本女星小倉優子去年因髮型師丈夫菊池勳偷食以致離婚收場，結束五年多嘅夫妻關係，目前佢當單親媽媽獨力照顧兩名囝囝。
近日，小倉優子亮相TBS醫療節目提到自己忙於照顧兩名小朋冇覺好瞓，又一直受便秘困擾：「我一直希望靠日常生活改善，但我已受便秘困擾20年。」小倉優子話現每日要五點起床，平均睡眠時間只得五小時：「每兩、三小時起床一次為小朋友換片，基本不能熟睡；而在小朋友起床前要預備早餐，然後化妝外出工作。」
小倉優子指自己一坐低就瞓得着，如亮相會播片嘅節目，都要先飲營養品提神。而節目嘅醫生，就話佢便秘係運動不足，睡眠不足亦會引導自主神經紊亂，導致腸胃不適。