好多人都鍾意買同儲波鞋，但講到洗鞋，甚至護理波鞋，就真係唔係人人有心機做。其實市面都有唔少波鞋清潔專用產品，好似Reshoevn8r、Jason Markk、CREP等，而當中Reshoevn8r近來就更進一步，在旺角開設球鞋護理站，啱晒又多鞋又懶的波鞋友。
護理站的服務都幾多元化和全面，除了基本清潔外，亦有提供防水、鞋底貼、鞋底膠清理等。而Ultra Boost用家經常遇到中底變黃問題，護理站亦會照顧到，提供了中底漂白服務。另外，如果你對鞋已經污糟到病入膏肓，護理站亦可做深層清潔，利用Reshoevn8r專利系統，連同鞋的內部一拼進行清潔，比基本清潔更徹底，在消除內外污漬外，亦同時能清除氣味。
而更重要的是，為了針對一些連攞對鞋去洗都懶，又或者太忙的大忙人，護理站亦提供「點對點球鞋護理收發服務」，鞋友們可以利用順豐寄付，只要把鞋寄到服務站，就有人搞掂，完成後再經速遞寄番俾你。不過記者暫時未有機會實試，未知實際清潔質素。
記者、攝影：韓繼聰
全新旅遊專頁，即like籽想旅行： https://fb.com/travel.appleseed