microSD卡都真係生活必需品，因為好多智能裝備都會用到佢！最近腦場返咗款「幾穩陣」的卡仔，如果經常有錄影需要的人，可能會啱用。
所講是Transcend microSDXC UHS-I U3，佢最特別之處是卡內記憶體是使用了MLC設計；一般市面買到的microSD，大多使用了TLC（Trinary-Level Cell）快閃記憶體晶片顆粒設計，其好處是價錢平，不過速度與壽命相對較短，一般擦寫壽命都在500-1,000次左右；至於MLC（Multi-Level Cell），價錢都會貴上一點，不過擦寫壽命則可達3,000至10,000次之高！所以這張Transcend microSDXC UHS-I U3，會遠較大家在市面買到的microSD卡，使用時間更長久！
如果講用途，都真係幾多樣性，首選一定係高效能手機，如有4K攝影拍攝功能的機種，甚或4K Action cam（例如 GoPro 360及Hero 6等）都好啱用，不過如果你要用在行車紀錄儀，可能就要留意它是有對應快卡的功能，否則可能會有唔對應的問題。
不過最後大家關心者，一定是價錢，32GB/$185、64GB/$395、128GB/$850，老實講會比一般大家買開的microSD卡貴上一點，不過使用次數多咗，只可以講是「貴有貴的用法吧」！如以三款儲存容量計算，當中以32GB會較抵玩一點，相對128GB就有一點過高，但還要看大家的使用需要；據知其他大記憶體品牌，在香港還未有推出MLC晶片設計的「零售版」microSD，希望嚟緊越出越多，會令價錢進一步下調吧。
查詢：飛揚（深水埗黃金商場地面40B）
記者、攝影：朱崇德
全新旅遊專頁，即like籽想旅行： https://fb.com/travel.appleseed