出年通車嘅沙中綫命名喺爭議聲中敲定為「屯馬綫」，受網民支持嘅「東西綫」及「南北綫」名稱因為容易引起混淆而被否決。其實「屯馬綫」除咗個名唔好聽，仲引發咗兩地居民嘅爭拗。
有網民話馬鞍山人好多嘢都好過屯門人，所以就算要改名都叫「馬屯綫」啦，之不過「馬臀」咁樣叫，又有人覺得唔太好聽！
有個日文學習嘅Page「香港日本語同好」就出po，話日文嘅屯馬（頓馬とんま）即係蠢材咁解，係日本人其中一種鬧人嘅用詞嚟，如果叫做「屯馬綫」，咁會唔會即係等於「蠢材綫」呢？
其實呢個名自從港鐵決定後引起唔少爭議，除咗個名難聽，亦有比較偏鋒嘅網民話馬鞍山人好多香港人，屯門就多新移民，所以認為馬鞍山人優秀過屯門人，所以馬要排先過屯。大家查實都係大灣區人，不用分得那麼細！