方嘉柏馬房季尾「返晒嚟」，近期不單止常於本地賽事贏馬，就連前晚（26日）出征星洲亦能攻下克蘭芝一哩賽，為己為港爭光不少。
周三（30日）晚進行季內最後一次泥地夜賽，方廐幾乎八場均有馬出，陣容甚具競爭力，增添頭馬可以預期。
一對王牌馬包括最低班「永常喜」及最高班「越影」皆配潘頓上陣，肯定是馬房爭勝主力。
此兩駒季內皆只贏過今次所跑的泥地短途，實力及性能各有保證，騎練勢將攜手由克蘭芝贏返沙田馬場。
另外，「皇者勝利」四度跑泥三亞一殿，跟韋達合作兩戰一冠一亞，本身未由其他騎師贏過，這次出師兩度入Q的泥地一哩，有機會再由韋達建功。