噚日咁好天，有得行山梗happy，民建聯立法會九西議員鄭泳舜都着住紅色短褲仔出動，今日同一班行山愛好者登山……雖則只係由中環碼頭行上太平山，唔係征服喜馬拉雅山，但都要有少少腳骨力㗎；而同阿舜一齊登山嘅friend，主要都係尼泊爾人，點解㗎呢？
慰尼泊爾社群思鄉情
阿舜話佢一向關注少數族裔權益，同尼泊爾人社群有聯絡，之前已經參加過同類活動，記得有一年好大雨，但大家都照舊風雨不改。佢話喺香港土生土長嘅尼泊爾人，唔少都有思鄉之情，而尼泊爾人熱愛行山，所以藉住呢個活動對故鄉緬懷一番。
今次再度參加，阿舜留意到有好多駐港如領事如英國、德國等都有參加，齊齊用行動支持尼泊爾社群，所以就算佢要趕去下一個活動，都堅持至少行一半以示支持。