今期周日(27日)沙田賽事各場各匹參戰馬之中，只有一隻於賽前一日由外籍大師傅親操，作最後備戰，就是第七場三班1800米草地賽，葉楚航馬房的「軍民歡」，由出賽騎師韋達親自在大圈快踱一圈。
韋達的策騎生涯已近尾聲，嫡系馬已不多，難得一眾「軍」系馬仍力撐韋達，他當然要加多兩錢肉緊，服侍「軍民歡」，但他對此駒的緊張程度，實在非常誇張，連同今日在內，原來已一手一腳連操13日，跑大賽都冇咁認真，無論點講都好，反映出「軍民歡」有取勝機會，否則韋達一定唔會咁神心。
「軍民歡」前仗跑香港打吡都只係輸約5個馬位，北半球英國4歲自購馬，抵港後較慢熱，現階段才日漸適水土應冒勇，韋達擺成擔心機操FIT隻馬，要贏場三班賽開齋，應該唔難啩！