【本報訊】嘉華（173）大埔白石角嘉熙首個周末睇樓日，出動靚女派飲品及大風扇降溫，招呼睇樓客，集團指將視乎收飛情況作加推安排，料有加價空間。消息指首日暫收約1,200票。
白石角自2014年逸龍灣推售後，4年來無新盤推出，昨嘉熙開放示位，吸引大批睇樓客到場。記者現場所見，售樓處大堂人龍伸延至大堂外，現場氣溫酷熱，有女職員不時派發飲料降溫，部份代理難抵高溫，爭相站在風扇前乘涼，亦有代理為爭客在馬路截車，售樓處外場面混亂。現場代理估計，睇樓客需等候30分鐘才能參觀示範單位。
嘉華料提價加推
90後情侶吳小姐及梁先生稱，明年結婚，欲斥500萬元購入開放式單位。對於儲錢心得，她稱「唔會好似有啲後生仔，話儲唔到首期，但自己就一個月去幾次旅行，又食好貴，我哋多數返屋企食，食平啲，食三餸飯都唔緊要，唔會去日本。而且睇戲唔會睇300蚊飛，淨係睇夜場，就算有5蚊都會儲！」
集團營業及市場策劃總經理（香港地產）溫偉明表示，將視乎收飛情況作加推安排，料有加價空間。消息指，項目暫收約1,200票。項目首張價單共225伙，提供開放式至三房單位，提供最高18.5%折扣，折實呎價14,388至19,506元，售價461.5萬至1,392.2萬元，折實平均呎價16,498元。
一手市場暢旺，新地（016）旗下屯門御半山昨發售38伙，沽剩1伙，即日加推28伙，下月3日以先到先得形式發售；同系日出康城晉海II，亦於下周二（29日）以即場登記抽籤形式發售28伙。
另一手成交冊顯示，嘉里（0683）屯門掃管笏滿名山，以5,355萬元沽出山庭洋房33號，實用面積1,785方呎，連1,156方呎花園及777方呎天台，實呎3萬元，為項目第二間沽出的洋房。
