陳展鵬及麥明詩昨日在灣仔出席VR體驗館活動，陳展鵬有留意自己日前在微博貼出宣傳海報，被指樣貌變膠，更有網友指他與崔建邦撞樣的報道，他哈哈大笑說：「早排影㗎咋！似唔似要交畀觀眾睇，篇文就兩、三年前一樣，話我膠嗰篇嘢其實都幾膠，執都冇執過就擺番出來。」
對於被指膠樣，陳展鵬自言不會嬲，會當作宣傳：「嗰張圖唔係有冇俾人P過嘅問題，係國內公司宣傳，可能好粗糙好趕時間去做，我覺得冇問題。」他反而笑言間中與女士影相時，對方要P圖遷就：「太過妖味重會叫對方唔好貼出嚟畀人睇，入行二十幾年，之前被傳割雙眼皮、瘦面等，覺得茶餘飯後俾人笑吓做話題，真金不怕洪爐火。」
採訪：王連連
攝影：林賓尼