韓國女團MAMAMOO成員玟星出道以來身形都非常纖瘦,身高1.65米嘅佢,體重只有101磅左右,不過原來玟星出道前體重有132磅,佢為出道而勁減31磅。據知玟星曾因身形而於選拔中落選,之後佢為出道而決心減肥,主要食蕃薯為主,早餐食兩個蕃薯及一杯牛奶,午餐食低卡麥皮、蕃薯及水煮蛋,晚餐食兩個蕃薯,練舞時又會故意著厚嘅衫增加排汗。