現年30歲的羅天宇今年3月被爆與拍拖四年的湯洛雯分手，更有指男方無縫暗撻曾與賭王四房大仔何猷亨拍拖的28歲宅男女神陳瀅。一對緋聞男女昨日首次同場，在馬鞍山出席足球越野車大對決活動，二人在活動上有不少互動環節，不過由互相在對方手臂上畫圖案，到面貼面傳波都明顯甚避忌，連手臂掂手臂也是點到即止。
患人群恐懼症
陳瀅和羅天宇接受訪問時，問到二人是否生疏或因為緋聞而有所避忌？陳瀅就笑言自己有人群恐懼症：「拍咗劇兩個月，冇晒自己嘅social life，我都覺得自己好似唔識同人溝通咁，冇晒啲私人時間。」羅天宇就表示與陳瀅很久沒有見面，笑言對方失蹤，更強調二人沒有拍拖，亦不是在互相了解的階段。
對於成為緋聞男女，陳瀅笑言完全是舊聞，她表示：「換畫都換咗四次，之前同佢拍劇做情侶，所以傳出緋聞箒。」
撞車刮花座駕
問羅天宇對陳瀅的印象，他就大讚對方幾好，但就太強勢：「佢好多fans，好大壓力。」在旁的陳瀅則笑言：「乜我個勢真係咁惡咩？」
羅天宇自爆沒有心情去多想戀愛方面的事，因為媽咪前晚撞車，幸好沒有大礙，而他的座駕亦被人刮花：「不過我趕住開工，所以都冇要求賠償，不過真係好唔開心。」
採訪：王連連
攝影：陳俊強