OL、上班族、打工仔個個都生活繁忙，朝九晚五，再晚九朝五無時停！由朝忙到晚身體都頂唔順，都市人常見嘅種種痛症，好似傷風感冒咁防不勝防。頸痛、腰痛、腳痛，總之就成日周身都痛，兼夾好耐都唔好番最折磨人。想唔想做好痛症管理，學吓點樣係日常生活可以與痛同行？想唔想聽吓醫生嘅分析同意見？《蘋果》即將推出全新網上節目「周身都痛」，你可以透過電郵： mailto:[email protected] ，報名參加節目，有醫生、專家解答難題，又可以同佢哋傾吓計，聽吓睇吓有乜減痛、防痛貼士。