香港地有好多好心人，發生事唔會袖手旁觀。好似噚日朝早，一部客貨車喺荃錦公路失控翻側，多位經過現場嘅司機第一時間落車救人。多得佢哋，位客貨Van司機最後成功脫險，咁嘅好人好事梗係值得表揚啦。
噚日朝早11點幾28歲姓馮男司機揸住部貨Van沿荃錦公路去錦田，點知部貨Van去到蓮花山附近一個左彎時，突然失控鏟上左邊石壆後全車向左翻側。
讀者陸先生咁啱揸車經過，佢見發生意外就立即停車救人，現場亦有其他好心司機幫手。貨Van司機當時被困駕駛室，其一名好心司機仲爬上車頂，同另外兩人合力幫貨Van司機打開車門。
好彩貨Van司機仲可以自己慢慢由駕駛室爬番出車，事後證實冇受傷。警員接報到場，司機話係貨Van跣胎出事喎，總算有驚無險！