審查歷史教科書批「香港位於中國南方」及「中國收回香港」等字眼不恰當，教育局近日再創新猷，該局網頁提供嘅「中小學中文實用寫作參考資料」，檔案以普通話拼音命名，例如「報告」嘅檔案被起名為「baogao」（音：包膠）等。教育局回應指，以拼音作為檔案名係慣常做法，毋須過份猜測。
原來教育局呢個做法已用咗好一段時間，例如2012年發出名為「常用字字形表」嘅有關文件，便以「字形表」的普通話拼音「ziXingBiao」為名；若再追溯，早喺1999年一份題為「從簡入繁：繁體字學習軟件」文件，檔案以「從簡」的普通話拼音「congjian」命名。
教育界立法會議員葉建源表示，好少留意教育局發出的文件存檔名稱，但記得一般都以英文或號碼命名，好多時甚至出現「怪碼」。