正所謂「九聲六調」，廣東話千變萬化，冇可能同普通話互通，真係有辦你睇。有本疑似普教中教科書，故事入面幫隻豬改名叫做西西，仲要唔沖涼又臭㖭，可能喺大陸人眼中一個得意可愛小豬故事，嚟到香港就變咗其他嘢，所以話普教中喺香港，係咪真係可行呢？
網上瘋傳嘅呢個課本故事，內容係話「西西是頭小豬，一頭不肯洗澡、臭哄哄的小豬。有一天，臭豬西西要去旅行，他匆匆從牆上掛鈎取下帽子，看了一眼掛鐘，就出發了。半路上，一輛車從臭豬西西的身旁開過，臭豬西西悄悄地跳上後面的掛車，得意極了！」你唔好理咩叫「掛車」先，淨係「臭豬西西」已經令到一眾巴絲一路睇一路笑，既然大家咁好學，我哋就走去search吓咩叫掛車，原來係指車斗咁解，唔係指臭豬西西喺架車度「掛掉」（死）呀！