阿仙奴正式請嚟前巴黎聖日耳門教頭艾馬利執教。噚日就開咗第一次記招，佢話會保持球隊一貫嘅控球哲學，亦強調所有球員，都應該為球隊付出100%。但係，數據指出，艾馬利以前無論係對住哥迪奧拿定摩連奴，都係從來未贏過，唔知佢可唔可以喺下季爭氣喇。另外，盧旺達一間公司就同阿仙奴簽約，成為咗佢哋衫袖嘅贊助商，而因為咁，阿記今個夏天就要去非洲踢友賽。