經典日劇《沒有家的女孩》童星安達祐實已經36歲，廿年前佢紅透日劇界，不過安達祐實嘅燦爛星途轉眼即逝，當告別童星行列後，安達祐實改行性感拍下大量露肉寫真，又在2014年電影《花宵道中》中扮演花魁上演露點情慾戲。
安達祐實已為第二任丈夫誕下囝囝，加埋為前夫所生嘅女兒，佢已經係個兩子之母。雖然係咁，安達仍然肯為劇集或電影作大膽演出，好似早前在當地開播嘅網劇《不倫食堂》，就飾演一個芳心寂寞嘅食店老闆娘，當丈夫遠赴工作，佢遇到扮演人夫嘅田中圭，由食蟹開始食到肉搏，仲有激烈床上戲，安達更有背部半裸及女上男下等超激畫面。
多年來，安達一直保持可愛童顏，佢會亮相下周一播出嘅綜藝節目，仲應邀以唔同造型展示其可塑性，既穿水手服又扮幼稚園生，仲戴上金色假髮令觀眾眼前一亮。