劉嘉玲、秦沛（Paul）同謝君豪今年7月會合作演出舞台劇《奪命証人》，三人之中秦沛雖然最資深，但演出舞台劇就係第一次，新丁秦沛遇上2015年憑舞台劇《杜老誌》封后嘅劉嘉玲，諗起都有好大火花。三人日前喺尖沙嘴接受訪問，秦沛同劉嘉玲分享：「你記住，人好似有條帶蹺住條頸，兩個手揸住，一個係過去，一個係未來，兩個拉得緊會窒息，放鬆佢啦，過去……放鬆佢啦，未來……唔好諗佢。」
驚要去廁所
秦沛指今次雖然係首次演舞台劇，但因為對手係劉嘉玲同謝君豪，令佢十分放心：「除非佢哋唔願意啫，應該幫吓我嘅。」劉嘉玲聽見後即刻話：「佢